മിലാന്: അണ്ടര് 19 ഏകദിന ലോകകപ്പ്, സീനിയര് ട്വന്റി-20 ലോകകപ്പ് തുടങ്ങിയ വമ്പന് രാജ്യാന്തര ക്രിക്കറ്റ് പോരാട്ടങ്ങള്ക്കിടെ ഇറ്റലിയിലെ മിലാനില് ഒരു വിന്റര് ഒളിമ്പിക്സ് നടക്കുന്നുണ്ട്. ഇന്ത്യയില് അധികമാരും ശ്രദ്ധിക്കാത്ത ഒരു വിന്റര് ഒളിമ്പിക്സ്. 140 കോടിയില് അധികം ജനസംഖ്യയുള്ള, അംഗബലത്തില് ലോക ഒന്നാം നമ്പറായ ഇന്ത്യയെ പ്രതിനിധീകരിച്ച് 2026 വിന്റര് ഒളിമ്പിക്സില് പങ്കെടുക്കുന്നത് വെറും രണ്ടുപേര് മാത്രം!
ആല്പൈന് സ്കീയിംഗ് സ്ലാലോമില് ആരിഫ് ഖാനും ക്രോസ് കണ്ട്രി സ്കീയിംഗ് 10 കിലോമീറ്റര് ഫ്രീസ്റ്റൈലില് സ്റ്റാന്സിന് ലണ്ടപ്പുമാണ് ഇന്ത്യയെ വിന്റര് ഒളിമ്പിക്സില് പ്രതിനിധീകരിക്കുന്നത്.
സ്വിസ് ഗോള്ഡ്
2026 വിന്റര് ഒളിമ്പിക്സിലെ ആദ്യ സ്വര്ണം സ്വിറ്റ്സര്ലന്ഡിന്റെ ഫ്രാഞ്ചൊ വോണ് ആള്മന് സ്വന്തമാക്കി. ആല്പൈന് സ്കീയിംഗ് ഡൗണ്ഹിലായിരുന്നു ഫ്രാഞ്ചൊ സ്വര്ണമണിഞ്ഞത്.